Naxçıvanda güzəştli kreditlərin məbləği 3 dəfəyə yaxın artıb

Bu ilin I rübündə İqtisadiyyat Nazirliyi yanında Sahibkarlığın İnkişafı Fondu Naxçıvan Muxtar Respublikasında sahibkarlığın inkişafına dəstək olaraq kənd təsərrüfatı yönümlü 8 layihəni maliyyələşdirib.

Naxçıvanın İqtisadiyyat Nazirliyindən "Report"un yerli bürosuna verilən məlumata görə, layihələrin maliyyələşdirilməsinə 189 min manat vəsait sərf olunub ki, bu da ötən ilin eyni dövrü ilə müqayisədə 2,5 dəfə çoxdur.

Bu ilin 3 ayında qaytarılan kreditlərin məbləği 1,7 milyon manat olub ki, bu 2023-cü ilin eyni dövrü ilə müqayisədə 52 % çoxdur.

Bu ilin I rübündə 290,2 min manat vaxtı keçmiş kredit vəsaitinin ödənilməsi təmin edilib ki, bu da ötən ilin eyni dövrü ilə müqayisədə 2,3 dəfə çoxdur.