“Kapital Bank” səhmdarlarına dividend ödəyəcək

Martın 29-da, saat 11:00-da “Kapital Bank” ASC-nin səhmdarlarının növbəti ümumi yığıncağı keçiriləcək.

“Report” xəbər verir ki, yığıncaq Bankın Bakı şəhəri, Səbail rayonu, Badamdar qəsəbəsi, Mikayıl Müşfiq küçəsi, 2E ünvanındakı inzibati binasında olacaq.

Yığıncağın gündəliyinə “Kapital Bank”ın 2023-cü ildəki fəaliyyətinin yekunlarına dair maliyyə hesabatlarının təsdiq edilməsi, Bankın səhmdarlarına dividend ödənilməsi, Fərid Məmmədovun növbəti dəfə Müşahidə Şurasının üzvü seçilməsi və digər məsələlər daxildir.

Xatırladaq ki, “Kapital Bank” 2006-cı ildə yaradılıb. Onun nizamnamə kapitalı 265,85 milyon manatdır. Bankın əsas səhmdarı "PAŞA Holdinq" MMC-dir.