Hesablama Palatası ötən il 42 kənar dövlət maliyyə nəzarəti həyata keçirib

2022-ci ildə Hesablama Palatasının audit və analitik fəaliyyəti hesabına 42 kənar dövlət maliyyət nəzarəti həyata keçirilib.

"Report" xəbər verir ki, bu barədə Palatanın ötənilki fəaliyyəti ilə bağlı hesabatda bildirilir.

Sənədə əsasən, nəzarət tədbirinin əhatə etdiyi orqanlardan 8-i mərkəzi icra hakimiyyəti orqanı, 2-si digər dövlət orqanı, 10-u publik hüquqi şəxs, 4-ü dövlət mülkiyyətində olan və dövlətin səhmi (payı) olan müəssisə, 1-i yerli icra hakimiyyəti orqanı, 4-ü təhsil, 1-i elm müəssisəsi, digərləri isə mərkəzi icra hakimiyyəti orqanının tabeliyində olan təşkilatlar və müxtəlif təşkilati-hüquqi formaya malik qurumlar olub.