Hesablama Palatası: "10 ayda fiskal göstəricilər tam şəkildə qarşılanıb"

"Bu ilin yanvar-oktyabr aylarında Azərbaycanda əsas orqanlar fiskal göstəriciləri tam şəkildə qarşılayıb".

“Report” xəbər verir ki, bunu Milli Məclisin Hüquq siyasəti və dövlət quruculuğu, Müdafiə, təhlükəsizlik və korrupsiya ilə mübarizə, İnsan hüquqları, Beynəlxalq münasibətlər və parlamentlərarası əlaqələr komitələrinin birgə iclasında Hesablama Palatasının sədr müavini Nəsir Sadıqov bildirib.

"Gələn il neft-qaz qiymətlərinin yüksək olması gözlənilir. Bu da sektordan daxilolmaları artıracaq. Bunun isə həm büdcə kəsirinin bağlanmasına, həm də Dövlət Neft Fondunun (ARDNF) valyuta ehtiyatlarının artmasına səbəb olacağı proqnozlaşdırılır", - o deyib.