FED bu il faizləri iki dəfə artıra bilər

Bakı. 6 yanvar. REPORT.AZ/ ABŞ Federal Ehtiyatlar Sistemi (FED) bu il ərzində faizləri iki dəfə artıra bilər.

“Report” “Bloomberg”ə istinadən xəbər verir ki, bu barədə ABŞ Mərkəzi Bankının Filadelfiya şöbəsinin müdiri Patrik Harker məlumat verib.

“Əgər inflyasiyadakı zəiflik davam edərsə, bu, ciddi problem ola bilər. Buna görə də 2018-ci il ərzində 2 dəfə faiz artımının uyğun olacağını düşünürəm”, - o bildirib.

P.Harker qeyd edib ki, hazırda 1,8% səviyyəsindəki inflyasiya 2019-cu ildə 2%-dən çox olduqdan sonra yenidən bu səviyyəyə düşəcək: “İnflyasiyanın, sadəcə, 2%-ə qalxması deyil, bir müddət bu göstəricidən biraz çox olması faydalı olacaq”.