Bakı 23° C
Dünya ölkələrinin qızıl ehtiyatına görə reytinqi açıqlanıb
- 31 mart, 2017
- 09:07
Yeniliklərdən dərhal xəbərdar olun!
Bakı. 31 mart. REPORT.AZ/ Dünya Qızıl Şurası qızıl ehtiyatlarının həcminə görə, ölkələrin reytinqini hazırlayıb. "Report" xəbər verir ki, 2017-ci il yanvarın 1-nə ən şox qızıl ehtiyatına sahib olan ölkə ABŞ olub və onun ehtiyatları 8 133,5 ton təşkil edib. İkinci sırada 3 377,9 ton qızıl ehtiyatı ilə Almaniya yer alıb. İlk 5-likdə müvafiq olaraq İtalya (2 451,8 ton), Fransa (2 435,8 ton) və Çin (1 842,6 ton) qərarlaşıb. Digər ölkələrin siyahısı isə aşağıdakı cədvəldə göstərilib:
| Ölkələr | Ehtiyatlar (ton) |
| Rusiya | 1 615,2 |
| İsveçrə | 1 040 |
| Yaponiya | 765,2 |
| Hollandiya | 612,5 |
| Hindistan | 557,8 |
| Türkiyə | 396,5 |
| Portuqaliya | 382,5 |
| S.Ərəbistanı | 322,9 |
| İngiltərə | 310,3 |
| Livan | 286,8 |
| İspaniya | 281,6 |
| Avstriya | 280 |
| Qazaxıstan | 254,7 |
| Belçika | 227,4 |
| Filippin | 196,3 |
| Venesuela | 188,9 |
| Əlcəzair | 173,6 |
| Tayland | 152,4 |
| Sinqapur | 127,4 |
| İsveçrə | 125,7 |
| C.Afrika | 125,3 |
| Meksika | 120,6 |
| Liviya | 116,6 |
| Yunanıstan | 112,8 |
| Koreya | 104,4 |
Xatırladaq ki, Azərbaycanın qızıl ehtiyatları 30,17 ton təşkil edir və ehtiyatların həcminə görə sıralamada ilk 50 ölkə arasında yer almayıb.
2017-ci il qızıl bazarının perspektivləri barədə fikirlərini açıqlayan ABŞ-ın "Standard Chartered" bankının qiymətli metallar üzrə analitiki Suki Kooperə görə, bu il Çin və Hindistanda qızıla tələbatın zəifləməsi və ABŞ-da uçot dərəcəsinin artırılması fonunda qızılın qiymətində azalma gözlənilir. Amma qızıl yalnız bu tip amillərdən asılı deyil. "Brexit"in fəsadları, D.Trampın makroiqtisadi siyasətinin qeyri-müəyyənliyi, müxtəlif geosiyasi risklər risksiz maliyyə aləti sayılan qızıla tələbatı canlandıra bilər.
Müəllif
