Dövlət Vergi Xidmətinin xətti ilə büdcə daxilolmaları 3 %-ə yaxın artıb

Bu ilin yanvar-iyul aylarında İqtisadiyyat Nazirliyi yanında Dövlət Vergi Xidmətinin xətti ilə dövlət büdcəsinə daxilolmalar 10 milyard 558,4 milyon manat təşkil edib.

"Report" bu barədə quruma istinadən xəbər verir.

Məlumata görə, bu, ötən ilin eyni dövrü ilə müqayisədə 2,8 % çoxdur.

Vergi daxilolmaları proqnozdan 6 % çox icra edilib.

7 aylıq vergi daxilolmalarının 7 milyard 588 milyon manatı qeyri-neft-qaz sektorunun payına düşüb ki, bu da 1 il əvvələ nisbətən 9,3 %, proqnozdan isə 3,4 % çoxdur. 

Xatırladaq ki, bu il Dövlət Vergi Xidməti büdcəyə 15,5 milyard manat vəsait köçürməlidir. Beləliklə, 7 ay ərzində həmin məbləğin 68,1 %-i təmin olunub.