Çin Mərkəzi Bankı əsas faiz dərəcəsini dəyişməyib

Çin Xalq Bankı iqtisadiyyatın pandemiya səbəbindən üzləşdiyi böhrandan qurtulmağa davam etməsi fonunda kreditlər üzrə əsas faiz dərəcəsini (loan prime rate, LPR) ardıcıl altıncı ay dəyişməz olaraq saxlayıb.

“Report” “İnterfaks”a istinadən xəbər verir ki, illik LPR 3,85% səviyyəsində qalıb. Sonuncu dəfə bu göstərici aprel ayında endirilib.

Beşillik kreditlərin faiz dərəcəsi 4,65% səviyyəsində saxlanılıb.