BFB: Azərbaycanda bu il daha bir IPO olacaq

Bu il Azərbaycanda daha bir səhmlərin ilkin kütləvi tədavülü (IPO) həyata keçiriləcək.

"Report" xəbər verir ki, bunu "Bakı Fond Birjası" QSC-nin (BFB) Listinq komandasının böyük məsləhətçisi Fərhad Mansurov bildirib.

Onun sözlərinə görə, yeni IPO bu ilin III rübünə planlaşdırılır.

Bununla belə, BFB rəsmisi IPO edəcək şirkətin iqtisadiyyatın hansı sektoruna aid olduğunu açıqlamayıb.

"Hazırda ölkəmizin kapital bazarlarında əsasən istiqrazlar emissiya edilir. Bu bazar alternativ maliyyələşməni, ekosistemin əsas hissələrindəndir. Təəssüf ki, bizdə kapital bazarı son bir neçə ildə inkişaf etməyə başlayıb. Ümid edirik ki, bu inkişaf sürətlənəcək", - F.Mansurov həmçinin əlavə edib.