"Bank Avrasiya"nın Müşahidə Şurası yenidən formalaşdırılacaq

Oktyabrın 22-də, saat 11:00-da "Bank Avrasiya" ASC-nin səhmdarlarının növbədənkənar ümumi yığıncağı keçiriləcək.

"Report" xəbər verir ki, yığıncaq Bankın baş ofisinin yerləşdiyi Bakı şəhəri, Səbail rayonu, Nizami küçəsi, ev 112 B ünvanında olacaq.

Yığıncağın gündəliyinə kredit təşkilatının Müşahidə Şurasının tərkibində dəyişiklik edilməsi daxildir.

Xatırladaq ki, "Bank Avrasiya" 2007-ci ildə yaradılıb. Onun nizamnamə kapitalı 71,8 milyon manatdır. Bankın səhmlərinin 49,5 %-i "Azbizneskom" MMC-yə, 49,5 %-i "Top Properties" MMC-yə, 1 %-i isə Rüstəm Eynullayevə məxsusdur.