Bakıda IsDB və Labuan arasında İslam maliyyələşdirilməsinin inkişafına dair razılaşma əldə olunub

Bakıda İslam İnkişaf Bankı (IsDB) Qrupunun illik toplantıları çərçivəsində IsDB İnstitutu ilə Labuan Maliyyə Xidmətləri İdarəsi arasında anlaşma memorandumlarının mübadiləsi baş tutub.

"Report" xəbər verir ki, sənəd İslam maliyyələşdirilməsi sahəsində əməkdaşlıq üçün səmərəli platformanın yaradılmasına yönəlib.

Memorandum IsDB İnstitutu tərəfindən Labuan Beynəlxalq Biznes və Maliyyə Mərkəzi bazasında hazırlanmış "Əl-Kaa" azad zonalarının innovativ konsepsiyasının hazırlanması və mümkün tətbiqi məqsədilə texniki qarşılıqlı fəaliyyətin inkişafını nəzərdə tutur.

Sənədləri Labuan Maliyyə Xidmətləri İdarəsinin baş direktoru Afendi Raşti və IsDB İnstitutunun baş direktoru vəzifələrini icra edən Sami Əl-Suvaylem mübadilə ediblər.