Azərbaycanda valyuta hərracında dollara tələb 24%-dən çox azalıb

Bu gün Mərkəzi Bankda (AMB) Azərbaycan Dövlət Neft Fondunun iştirakı ilə növbəti valyuta hərracı keçirilib.

“Report” bu barədə Mərkəzi Banka istinadən xəbər verir.

Məlumatda deyilir ki, ABŞ dollarına tələb iyunun 11-nə nisbətən 9,8 milyon ABŞ dolları və yaxud, təxminən, 24,1% azalaraq 30,9 milyon ABŞ dolları təşkil edib. 

Mərkəzi Bank bildirib ki, tələb tam ödənilib.

Hərracda manatın ortaçəkili məzənnəsi 1,7000 AZN/USD səviyyəsində formalaşıb.