Azərbaycanda ötən il dövlət xətti ilə 5 minə yaxın ipoteka krediti verilib

2024-cü ildə İpoteka və Kredit Zəmanət Fondunun (İKZF) müvəkkil bankları 4 685 ipoteka krediti verib.

"Report" xəbər verir ki, bu barədə Nazirlər Kabinetinin 2024-cü ildəki fəaliyyəti haqqında hesabatda bildirilir.

Sənədə əsasən, bu, 2023-cü illə müqayisədə 16,3 % azdır.

Ötən il 3 609 (əvvəlki ilə nisbətən 7,5 % az) adi, 1 076 (36,7 % az) güzəştli ipoteka krediti verilib.

İl ərzində Fond 432,7 milyon manatlıq ilkin (4 601 kredit) və 447,5 milyon manatlıq (4 893 kredit) yenidən maliyyələşmə əməliyyatı aparıb, ilin sonuna Fondun ipoteka kreditləri portfeli 2,2 milyard manatdan çox olub.