Azərbaycanda ipoteka kreditləri üzrə artımın 55 %-ni bankların öz vəsaitləri təmin edib

Bu ilin I yarısında Azərbaycanda ipoteka kreditləri portfeli 11,3% və yaxud 336 milyon manat artaraq 3,3 milyard manata çatıb.

"Report" xəbər verir ki, bu barədə Azərbaycan Mərkəzi Bankının (AMB) "2023-cü ilin I yarısı üzrə Maliyyə sabitliyi hesabatı"nda bildirilir.

Sənədə əsasən, artımın 45 %-ni (150 milyon manat) İpoteka və Kredit Zəmanət Fondunun, 55 %-ni (186 milyon manat) isə bankların öz vəsaitləri təmin edib.

I yarımildə ölkədə biznes kreditləri portfeli 7,3 % və yaxud 0,8 milyard manat artaraq 11,7 milyard manat, istehlak kreditləri portfeli isə 9,9 % və yaxud 0,6 milyard manat artaraq 6,3 milyard manat təşkil edib.