Azərbaycanda həyatın yığım sığortası ilə bağlı güzəştlər dövlət sektoruna münasibətdə ləğv edilib

Bu gündən Azərbaycanda həyatın yığım sığortası sahəsində vergi və sosial sığorta güzəştlərinin dövlət sektoruna münasibətdə tətbiqi ləğv edilib.

"Report" xəbər verir ki, bununla bağlı “Sosial sığorta haqqında” qanunda edilmiş dəyişiklik qüvvəyə minib.

Bunun hesabına dövlət büdcəsinin və Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun gəlirlərinin artacağı proqnozlaşdırılır.