Azərbaycanda dövlət xətti ilə ipoteka kreditləşməsi 3 % azalıb

Bu il yanvar-fevral ayında İpoteka və Kredit Zəmanət Fondunun (İKZF) xətti ilə 55,9 milyon manat kredit verilib.

“Report” Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 3,1 % azdır.

Hesabat dövründə Fondun yenidən maliyyələşdirdiyi kreditlərin məbləği isə 0,5 % azalaraq 40 milyon manata düşüb.

Ötən 2 ayda İKZF istiqraz buraxmaqla 20 milyon manat vəsait cəlb edib (ötən ilin eyni dövründə cəlb etməyib). Son 1 ildə Fonda dövlət büdcəsindən ayrılan vəsait həcmi 33,7% artaraq 23,8 milyon manata çatıb.