Azərbaycan Mərkəzi Bankı valyuta bazarının iki iştirakçısını cərimələyib

Azərbaycan Mərkəzi Bankı (AMB) valyuta bazarının iştirakçıları olan "Bakı Mərkəzi Valyuta" və "Eliko" MMC-ləri cərimələyib.

"Report" bu barədə AMB-yə istinadən xəbər verir.

Məlumata görə, qurumun apardığı cari nəzarət prosesləri çərçivəsində valyuta tənzimi haqqında qanunvericiliyin tələblərinin pozulması aşkarlanıb. Odur ki, İnzibati Xətalar Məcəlləsinin 602.4-cü maddəsinə müvafiq olaraq, "Bakı Mərkəzi Valyuta"nın vəzifəli şəxsi Bakı Şəhəri Səbail Rayon Məhkəməsinin qərarı ilə 1 000 manat, "Eliko"nun vəzifəli şəxsi isə Bakı Şəhəri Yasamal Rayon Məhkəməsinin qərarı ilə 1 500 manat cərimə olunub.

AMB "Eliko"nu həm də valyuta tənzimi haqqında qanunvericiliyin tələblərini pozması ilə əlaqədar İnzibati Xətalar Məcəlləsinin 430.3-cü maddəsinə müvafiq olaraq, 10 334 manat cərimə edib.