Azərbaycan manatının nominal və real effektiv məzənnələri bu il azalıb

Bu il aprelin 1-nə Azərbaycan manatının xarici valyutalara nisbətən nominal effektiv məzənnəsi 105,9 bənd təşkil edib.

Bu barədə “Report” Azərbaycan Mərkəzi Bankına istinadən xəbər verir.

Bu, aylıq müqayisədə 2,8 bənd az, ilin əvvəli ilə müqayisədə 3,3 bənd az, ötən il aprelin 1-nə nisbətən 2,2 bənd çoxdur.

Bu ilin martın sonuna manatın real effektiv məzənnəsi isə 121,1 bənd təşkil edib. Bu isə aylıq müqayisədə 3,5 bənd az, ilin əvvəli ilə müqayisədə 4 bənd az, ötən il martın sonuna nisbətən 0,7 bənd azdır.