“Azərbaycan Kredit Bürosu” dividend ödənişini 60 % artırıb

2023-cü ildə “Azərbaycan Kredit Bürosu” MMC (AKB) təsisçilərinə 3,6 milyon manat dividend ödəyib.

“Report”un əldə etdiyi məlumata görə, bu, 2022-ci illə müqayisədə 60,15 % çoxdur.

Xatırladaq ki, AKB 2018-ci il yanvarın 15-də yaradılıb. Onun nizamnamə kapitalı 2 milyon manatdır. Büronun təsisçiləri hər biri 12,5% payla 8 bank - “Azərbaycan Beynəlxalq Bankı", “Bank Respublika”, “Xalq Bank”, “Kapital Bank”, “PAŞA Bank”, “Rabitəbank”, “Unibank” və “Ziraat Bank Azərbaycan" ASC-lərdir. Beləliklə, ötən il hər bank 450 min manat dividend alıb.