“Azərbaycan Beynəlxalq Bankı”nın səhmdarlarının sayı artıb

Bu il iyulun 1-nə “Azərbaycan Beynəlxalq Bankı” ASC-nin (ABB) 1 797 səhmdarı olub.

“Report” Bankın yarım illik idarəetmə hesabatına istinadən xəbər verir ki, bu, ötən il iyulun 1-i ilə müqayisədə 1,9 % çoxdur.

ABB-nin səhmdarlarının 1 780-i fiziki şəxslər, 17-i isə hüquqi şəxslərdir. Bunlar isə 1 il əvvələ nisbətən müvafiq olaraq 1,9 % çox və eynidir.

Xatırladaq ki, ABB 1992-ci ildə yaradılıb. Onun nizamnamə kapitalı 1 225,648 milyon manatdır. Bankın səhmlərinin 92,56 %-i Maliyyə Nazirliyinə, 3,81%-i İqtisadiyyat Nazirliyi yanında Əmlak Məsələləri Dövlət Xidmətinə, 0,23%-i “Aqrarkredit” QSC bank olmayan kredit təşkilatına, 3,4 %-i isə fiziki və hüquqi şəxslərə məxsusdur.