Nazir müavini: "Büdcənin sosial yönümlülüyü heç kimdə şübhə doğurmur"

Azərbaycanın dövət büdcəsinin sosial yönümlülüyü heç kimdə şübhə doğurmur.

"Report" xəbər verir ki, bunu maliyyə nazirinin müavini Azər Bayramov Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında bildirib.

"Hökumət, o cümlədən Əmək və Əhalinin Sosial Müdafiəsi Nazirliyi sosial məsələlərə kompleks yanaşır, onları illik büdcə hazırlanarkən nəzərə alır. Yenidən baxılan büdcə baş verən proseslərin daha da sürətləndirilməsinə yönəlir. İstənilən halda, deputatların təqaüdlərlə bağlı qaldırdığı məsələ aktualdır. Hökumət bu məsələyə baxacaq. Sosial dəstək prosesi çoxşaxəlidr. İnsanlara təkcə təqaüdlər deyil, evlər və maşınlar da verilir", - deyə o qeyd edib.