“Aqroservis” auditor seçir

Kənd Təsərrüfatı Nazirliyinə məxsus “Aqroservis” ASC 2024-cü ili üzrə maliyyə hesabatlarının auditi üçün kotirovka sorğusu elan edib.

“Report” xəbər verir ki, sorğuda iştirak haqqı 93 manatdır.

İddiaçılar təkliflərini yanvarın 27-nə qədər səhmdar cəmiyyətinin yerləşdiyi Bakı şəhəri, Ziya Bünyadov prospekti, 1965-ci məhəllə ünvanına təqdim edə bilərlər.

Təkliflərə yanvarın 27-də, saat 11:00-da qeyd olunan ünvanda baxılacaq.

Xatırladaq ki, "Aqroservis"in 2023-cü il üzrə maliyyə hesabatlarını "Abacus Audit And Consulting" MMC audit edib. Bunun üçün şirkətə 31 860 manat ödənilib.