ABŞ dollarının möhkəmlənməsindən sonra qızıl ucuzlaşıb

ABŞ dollarının məzənnəsinin digər valyutalara qarşı artması fonunda qızıl ucuzlaşıb.

“Report” birjalara istinadən xəbər verir ki, Nyu-Yorkun “Comex” birjasında qızılın iyun fyuçersləri 0,74%, yaxud 13,98 ABŞ dolları ucuzlaşaraq, 1 unsiyası 1874,72 ABŞ dollarına satılıb. Gümüşün may fyuçerslərinin qiyməti isə 1,58% artaraq, 1 unsiyası 23,09 ABŞ dolları təşkil edib.

ABŞ valyutası digər valyutalara qarşı əhəmiyyətli dərəcədə möhkəmlənməkdə davam edir. Belə ki, avronun məzənnəsi ABŞ dollarına qarşı son 5 ilin ən aşağı həddinə düşüb. Bundan başqa, yapon yeninin məzənnəsi də 2002-ci ildən sonra ən aşağı səviyyəyə düşüb.

Bunun fonunda xammallar, o cümlədən qızıl ucuzlaşmaqda davam edir.