AAYDA ötən il 5 milyon manata yaxın kredit ödəyib

2022-ci ildə Azərbaycan Avtomobil Yolları Dövlət Agentliyi (AAYDA) kredit borclarının qaytarılmasına 4,5 milyon manat yönəldib.

"Report" qurumun maliyyə hesabatına istinadən xəbər verir ki, bu, 2021-ci illə müqayisədə 19,6 % azdır.

Ötən il agentliyin kreditlərə çəkdiyi xərc onun ümumi xərclərinin 0,1 %-ni təşkil edib. Bu nisbət əvvəlki il 0,3% olub.

Bundan başqa, sənəddə deyilir ki, 2022-ci ildə AAYDA-nın bank xərci 4,713 milyon manat təşkil edib. Bu isə 2021-ci ilə nisbətən 18,3 % azdır.

Ötən il agentliyin bank xərci ümumi xərclərinin 0,1 %-ni təşkil edib. Bu nisbət əvvəlki il 0,3 % olub.