Voleybol üzrə Azərbaycan çempionatında daha bir oyun baş tutacaq

Qadın voleybolçular arasında Azərbaycan Yüksək Liqasında XII turun daha bir oyunu keçiriləcək.

"Report"un məlumatına görə, "Murov Az Terminal" bu gün "DH Volley" komandasını qəbul edəcək.

Qarşılaşma saat 15:00-da "Murov Az Terminal"ın idman zalında start götürəcək.

Qeyd edək ki, turun əvvəlki matçlarında "Azərreyl" UNEC-ə (3:1), "Turan" "Gəncə"yə (3:1) "Milli Aviasiya Akademiyası" isə "Abşeron"a (3:1) qalib gəlib.