Kişi voleybolçular arasında Azərbaycan çempionatı start götürüb

Voleybol üzrə kişilər arasında Azərbaycan çempionatında 2023/2024 mövsümü start götürüb.

"Report" xəbər verir ki, Yüksək Liqanın ilk oyununda ötən mövsümün bürünc medalçısı “Neftçi” və son çempion “Murov Az Terminal” klubları üz-üzə gəliblər. Maraqlı mübarizəyə səhnə olan görüşdə “Murov Az Terminal” rəqibini 3:1 hesabı ilə məğlub edib.

Günün digər qarşılaşması “Azərreyl” və MOİK komandaları arasında baş tutub. Rəqibindən daha üstün oyun nümayiş etdirən “Azərreyl” meydandan 3:0 hesablı qələbə ilə ayrılıb.

Yüksək Liqa

16 noyabr

I tur

“Neftçi” - “Murov Az Terminal” 1:3 (20:25, 25:21, 29:31, 17:25)
“Azərreyl” – MOİK 3:0 (25:15, 25:15, 25:16)