Azərbaycanın qadın basketbolçuları Avropa Kubokunun final mərhələsinə yüksəlib - YENİLƏNİB

Kosovonun paytaxtı Priştinada 3x3 basketbol üzrə Avropa Kubokunun seçmə mərhələsinin həlledici oyunları baş tutub.

"Report" xəbər verir ki, Azərbaycanın qadınlardan ibarət 3x3 basketbol millisi finalda İrlandiya yığmasına 21:20 hesabı ilə qalib gəlib.

Bu qələbə sayəsində komandamız Avropa Kubokunun final mərhələsinə vəsiqə qazanıb. Turnirin final mərhələsi 2026-cı il sentyabrın 11-13-də Belçikanın Antverpen şəhərində keçiriləcək.

18:53

Azərbaycanın qadınlardan ibarət 3x3 basketbol millisi Kosovonun paytaxtı Priştinada təşkil olunan Avropa Kubokunun seçmə mərhələsində yarımfinal oyununa çıxıb.

"Report"un məlumatına görə, yığma Kosovo millisi ilə üz-üzə gəlib.

Bakı vaxtı ilə 18:00-da start götürən qarşılaşma Azərbaycan yığmasının 21:5 hesablı qələbəsi ilə yekunlaşıb.

Milli finalda İrlandiya - Kipr cütünün qalibi ilə üz-üzə gələcək.

Xatırladaq ki, yığma daha əvvəl Kipr (16:10) və Maltanı (15:14) məğlub edib.