Azərbaycan cüdoçuları Böyük Dəbilqəni iki medalla başa vurub

Azərbaycan cüdoçuları Gürcüstanın paytaxtı Tbilisidə keçirilən Böyük Dəbilqəni iki medalla başa vurublar.

"Report"un məlumatına görə, yarışın sonuncu günündə 90 kq çəki dərəcəsində çıxış edən Murad Fətiyev mübarizəyə başlayıb.

23 yaşlı idmançı 1/16 final mərhələsinə təsadüf edən ilk görüşündə qazaxıstanlı Adlet Missinə uduzub.

Qeyd edək ki, daha əvvəl Azərbaycan cüdoçularından Turan Bayramov (60 kq) və Elcan Hacıyev (81 kq) bürünc medala sahib çıxıb. Ölkə yarışda 10 cüdoçu ilə təmsil olunub.