UN-Habitat dövlət, biznes və BMT strukturları arasında üçtərəfli tərəfdaşlığı gücləndirməyi planlaşdırır

BMT-nin Məskunlaşma Proqramı (UN-Habitat) Ümumdünya Şəhərsalma Forumunda üçtərəfli tərəfdaşlığı gücləndirməyə hazır olduğunu bildirib.

"Report" xəbər verir ki, müvafiq bəyanatla UN-Habitat-ın Torpaq resursları, mənzil və qeyri-rəsmi məskunlaşmalar bölməsinin rəhbəri Ombreta Tempra Azərbaycanın paytaxtında keçirilən Ümumdünya Şəhərsalma Forumunun 13-cü sessiyası (WUF13) çərçivəsində baş tutan "Qlobal Cənubda məhsuldar tərəfdaşlıqları təşviq edən inşaatçılar koalisiyası və CAHF Mənzil Maliyyələşdirilməsi 2025/2026 nəşrinin ilkin təqdimatı" adlı panel sessiyası zamanı çıxış edib.

"Dövlət qurumları, biznes nümayəndələri və BMT orqanları arasında üçtərəfli qarşılıqlı əlaqənin dərinləşdirilməsi üzrə planlar hazırlanır. Təşkilat fəaliyyətdə olan inzibati mexanizmlərin özəl sektorun tələblərinə hər zaman cavab vermədiyini dərk edir və tərəfdaşlarla əməkdaşlıq formatını transformasiya etməyə hazırdır. Növbəti addım kimi, hazırkı və gələcək Ümumdünya Şəhərsalma Forumunda mənzil siyasətinə həsr olunmuş genişləndirilmiş trek nəzərdə tutulub", - O. Tempra qeyd edib.