Ufadan Bakıya uçanların işi asanlaşıb

Rusiyanın Başqırdıstan bölgəsindəki Ufa Beynəlxalq Hava Limanında yerli "Neolabs" şirkətinin hazırladığı AIST qeydiyyatdan sisteminin tətbiqinə başlanılıb.

“Report” xarici mətbuata istinadən xəbər verir ki, yeni sistem sərnişinlərin məlumatlarının işlənməsini 15-30 % sürətləndirəcək.

Artıq Ufadan uçuşlar həyata keçirən 13 yerli və xarici aviaşirkət AIST-ə inteqrasiya edilib. Onların arasında “Aeroflot”, “S7 Airlines”, “Utair”, “FlyDubai”, “Türk Hava Yolları”, “Azərbaycan Hava Yolları” və s. var. Yeni sistemlə hər gün təxminən 3 min sərnişininin qeydiyyatı aparılır.