Sumqayıtlı tələbə: WUF13 kimi beynəlxalq tədbirlər gənclərə böyük motivasiya verir

WUF13 kimi nüfuzlu beynəlxalq tədbirlər gənclərə böyük motivasiya verir.

Bunu "Report"un yerli bürosuna açıqlamasında Sumqayıt Dövlət Universitetində (SDU) təşkil olunan WUF13-lə əlaqədar məlumatlandırma sessiyasını dəyərləndirən SDU-nun Riyaziyyat fakültəsinin 2-ci kurs tələbəsi Çinarə Osmanova deyib.

O bildirib ki, belə maarifləndirici görüşlər gənclərin şəhərsalma ilə bağlı biliklərinin artırılmasında mühüm rol oynayır:

"WUF13 kimi beynəlxalq tədbirlərin ölkəmizdə təşkili tələbələr üçün çox faydalıdır. Bu sessiyada şəhərsalma, davamlı inkişaf və müasir urbanizasiya prosesləri ilə bağlı təqdim olunan məlumatlar bizim dünyagörüşümüzün genişlənməsinə kömək edir. Bu cür tədbirlər gələcək fəaliyyətimiz üçün biz gənclərə böyük motivasiya verir. Özüm də forumda iştirak edəcəyəm".