Şahbuz və Ordubadda yeni salınan körpülərin inşası başa çatdırılıb

Naxçıvan Muxtar Respublikasının Şahbuz və Ordubad rayonlarında yeni salınan körpülərin inşası başa çatdırılıb.

“Report”un yerli bürosu xəbər verir ki, bu ilin əvvəllərindən inşasına başlanılan Şahbuz rayonun Qızıl Qışlaq kəndində yeni körpünün inşası yekunlaşıb.

Bununla da sakinlərin fasiləsiz, rahat gediş-gəlişi təmin edilib.

Həmçinin Ordubad rayonunun bir neçə yaşayış məntəqəsində sakinlərin gediş-gəlişini asanlaşdırmaq və avtomobillərin təhlükəsiz hərəkətini təmin etmək məqsədilə yeni körpülər inşa olunub.

Belə ki, Ordubad şəhərinin Ambaras məhəlləsində və Düylün kəndində yeni salınan körpülərin inşası başa çatıb.

Bununla da həmin ərazilərdə yaşayan sakinlərin uzun illərdir üzləşdiyi problemlər həll olunub.