Ramil Cahangirov: "Şəhərləri düzgün planlaşdırmaq üçün memarlıq üslubu təyin edilməlidir"

Şəhərləri düzgün planlaşdırmaq və bu ərazilərin inkişafı üçün bir baxış müəyyən etmək və onların memarlıq üslubunu təyin etmək çox vacibdir.

"Report" xəbər verir ki, bu barədə Azərbaycanın Dövlət Şəhərsalma və Arxitektura Komitəsinin nümayəndəsi Ramil Cahangirov Bakıda Ümumdünya Şəhərsalma Forumunun 13-cü sessiyası (WUF13) çərçivəsində keçirilən tədbirdə bildirib.

Onun sözlərinə görə, bu isə istənilən digər yaşayış məntəqəsinə aiddir: "Azərbaycanın əhəmiyyətli hissəsini, ərazisinin demək olar ki, 20 %-ni təşkil edən azad olunmuş ərazilərin bərpası çağırışını qəbul edib. Bu bərpa üçün əsas məqsəd təkcə bir hədəf kimi deyil, həm də müvafiq sənədlərdə və dövlət proqramlarında rəsmi şəkildə müəyyən edilib. Ərazilərin qlobal şəhərsalma standartlarına, normalarına və prinsiplərinə uyğun olaraq bərpa edilməsi nəzərdə tutulurdu. Bu, bərpa işlərinin bütün iştirakçıları, o cümlədən dövlət orqanları, şəhər planlaşdırıcıları, memarlar və tikinti şirkətləri üçün mühüm istiqamətverici rol oynayıb. İştirak edən hər kəsdən bu istiqamətə riayət etməsi gözlənilirdi. Əlbəttə, ilk gündən bu prinsiplə hərəkət etdik və beynəlxalq şirkətlərlə əməkdaşlığa başladıq".

O bildirib ki, komitə həmçinin Şuşa və Cəbrayıl şəhərləri üçün Böyük Britaniyadan olan "Chapman Taylor" şirkəti ilə Baş Planlar üzərində işləməyə başlayıb: "SA Partners" şirkəti ilə əməkdaşlığımız Zəngilan, Qubadlı və Kəlbəcər üzərində cəmləşib. Biz tamamilə dağıdılmış ərazilərin planlaşdırılması ilə məşğul idik və çağırış olduqca böyük idi".

R. Cahangirov qeyd edib ki, bu köhnə şəhərlərin bir çoxunda az şey qalmışdı, yaxud qalanlar çox pis vəziyyətdə idi: "Buna görə də biz bu şəhərləri sıfırdan inkişaf etdirməli və onlar üçün fərqli bir üslub və standart müəyyən etməli olduq. Hər bir şəhərdə ilkin layihələr dövlət tərəfindən həyata keçirilsə də, bu o demək deyil ki, hər şey dövlət tərəfindən tikiləcək. Özəl sektor və kommersiya qurumları artıq bu prosesə qoşulur və bundan sonra da qoşulmağa davam edəcəklər. Məhz buna görə də şəhərin simasının düzgün tonunu müəyyən etmək çox vacibdir".