QHT-lərə Dövlət Dəstəyi Agentliyi qrant müsabiqələrini elan edib

Qeyri-Hökumət Təşkilatlarına (QHT) Dövlət Dəstəyi Agentliyi BP ilə əməkdaşlıq çərçivəsində birgə qrant müsabiqələrini elan edir.

"Report" bu barədə agentliyə istinadən xəbər verir.

Məlumata görə, müsabiqələr üzrə QHT-lərin layihə təkliflərinə dair sənədlərin qəbuluna 2025-ci il sentyabrın 22-də başlanacaq. Müraciət üçün son tarix 2025-ci il 22 oktyabrdır.

Sənəd qəbulu bitdikdən sonra QHT-lərin təqdim etdiyi layihə təkliflərinə dair sənədlərin ekspertizası aparılacaq, layihələr təhlil ediləcək və qaliblər müəyyənləşdiriləcək. Müsabiqənin nəticələri 2026-cı ilin I rübü ərzində elan olunacaq.

Müsabiqələr aşağıdakı mövzuları ehtiva edir:

- Biomüxtəlifliyin qorunması və bərpası;

- İcmaların məişətdə istifadə, yaxud suvarma üçün suya olan ehtiyaclarının qarşılanmasına yardım etmək;

- Ümumdünya Şəhərsalma Forumunun 13-cü sessiyası (WUF13) ilə bağlı təşəbbüslər;

- ⁠İqlim dəyişmələrinə qarşı mübarizəyə ictimai dəstək.