​Bakının Nizami rayonunda içməli su problemi olacaq

Bakı. 24 iyun. REPORT.AZ/ Bakı şəhərinin Nizami rayonunda içməli su problemi olacaq. “Report” xəbər verir ki, bu barədə “Azərsu” ASC-nin ictimaiyyətlə əlaqələr şöbəsindən məlumat verilib.

Məlumata görə, Nizami rayonu ərazisində yeni çəkilən magistral su xətlərinin mövcud sistemlərə qoşulması ilə əlaqədar iyunun 24-də gün ərzində Qara Qarayev və Babək prospektlərində, həmçinin E.Süleymanov, İ.Məmmədov, M.Şərifli, T.Abbasov, C.Naxçıvanski, R.Teymurov, B.Nuriyev küçələrində bəzi ünvanlara içməli suyun verilməsində məhdudiyyətlər olacaq.

Yaranacaq narahatlıqla əlaqədar “Azərsu” abonentlərdən üzr istəyir.