Bakı aeroportu bayram günlərində 200 minə yaxın sərnişinə xidmət göstərib

Martın 20-30-unu əhatə edən bayram dövründə Heydər Əliyev Beynəlxalq Aeroportu ümumilikdə 194 330 sərnişinə xidmət göstərib.

Bu barədə "Report"un sorğusuna cavab olaraq hava limanından bildirilib.

Məlumata görə, bu göstəricinin 96 410-u yola salınan, 97 920-si isə gələn sərnişinlərin payına düşür.

Ramazan və Novruz bayramları günlərində müşahidə olunan artan sərnişin axınına baxmayaraq, hava limanı bütün əməliyyatları fasiləsiz və yüksək xidmət keyfiyyəti ilə həyata keçirib.