Azərbaycan BƏƏ ilə dənizçilik sahəsində əməkdaşlığı genişləndirir

"AZCON Holding" ilə Birləşmiş Ərəb Əmirliklərinin Əbu-Dabi Limanlar Qrupu (AD Ports Group) arasında Azərbaycanda limanlar, gəmiçilik, logistika və rəqəmsal ticarət həlləri üzrə strateji əməkdaşlıq imkanlarının araşdırılmasına dair Anlaşma Memorandumu imzalanıb.

Bu barədə "Report" holdinqə istinadən xəbər verir.

"Memorandum Azərbaycanda investisiya imkanlarının araşdırılması, eləcə də inteqrasiya olunmuş nəqliyyat və logistika infrastrukturu, o cümlədən dənizçilik və rəqəmsal həllər sahələrində əməkdaşlığın genişləndirilməsi üçün tərəflər arasında strateji çərçivə formalaşdırır", - məlumatda qeyd olunub.