ASC rəsmisi: "Su qıtlığı ərəfəsində Həkəri çayı 3 milyon əhalini içməli su ilə təmin edəcək"

İnfrastruktur

28 iyun, 2022
11:07

ASC rəsmisi: Su qıtlığı ərəfəsində Həkəri çayı 3 milyon əhalini içməli su ilə təmin edəcək

İlqar Məhərrəmov

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

"Həkəri su anbarı hidroqovşağının Laçın rayonunun ərazisindən axan Həkəri çayının üzərində tikilməsi nəzərdə tutulub".

"Report"un Kəlbəcərə ezam olunmuş müxbirinin xəbərinə görə, bunu “Azərbaycan Meliorasiya və Su Təsərrüfatı” ASC-nin rəsmisi İlqar Məhərrəmov jurnalistlərə açıqlamasında deyib.

O xatırladıb ki, Həkəri çayı tam olaraq ölkəmizdə formalaşır:

"Axımın əsas hissəsi bulaq sularıdır. Çox keyfiyyətli və təmizdir. Respublikamızda yaxın gələcək üçün proqnozlaşdırılan su qıtlığı ərəfəsində əsasən işğaldan azad olunmuş rayonlar və ölkəmizin 14 rayonunun 3 milyon əhalisini içməli su ilə təmin edəcək. Bu rayonlardan ən uzağı isə Masallı rayonu olacaq".

İşğaldan azad edilmiş ərazilər