“ASAN Xidmət”in sədr müavini: “Kosmosda xidmət göstərmək istəyərdik”

“2030-cu ilə qədər süni intellektlə çalışan robotlar biznes mühitinə daxil olacaq”.

“Report” xəbər verir ki, bunu Bakıda keçirilən “StartupFest 2019” tədbirində, “Dövlət Sektorunda Rəqəmsal Transformasiya: İmkanlar və Çağırışlar” mövzusunda panel sessiyasında Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin (“ASAN Xidmət”) sədr müavini Ceyhun Salmanov deyib.

“Biz istəyərdik ki, gələcəkdə vətəndaşlarımıza 7/24 rejimində xidmət göstərilsin. Burada məkan fərqi də olmasın. Hətta kosmosda xidmət göstərmək istəyərdik”, - o deyib.