Apreldə Aktau-Bakı marşrutu üzrə rekord həcmdə konteyner daşımaları qeydə alınıb

Bu il Qazaxıstanın “Kazmortransflot” milli gəmiçilik şirkətinin (“Kazmunayqaz”ın törəmə müəssisəsi) konteyner gəmiləri Aktau-Bakı marşrutu üzrə Xəzər dənizi ilə 100 min tondan çox yük daşıyıb.

Bu barədə “Report”a “Kazmunayqaz” şirkətindən məlumat verilib.

Aprel ayında rekord sayda konteyner daşımaları qeydə alınıb: 2850 TEU (təxminən 35 min ton yük), orta hesabla 2500 TEU (iyirmi fut ekvivalent vahid).

Şirkətin konteyner gəmiləri bu istiqamətdə ayda orta hesabla 8-9 gediş-gəliş həyata keçirərək Asiya ilə Avropa arasında əlaqəni təmin edir.