Akademik Milli Dram Teatrı ətrafında yollar qismən məhdudlaşdırılacaq

Bakı. 17 noyabr. REPORT.AZ/ Azərbaycan Avtomobil Yolları Dövlət Agentliyi ( AAYDA) Akademik Milli Dram Teatrı ətrafındakı yolları qismən məhdudlaşdıracaq.

Bu barədə “Report”a agentlikdən bildirilib.

Qeyd edilib ki, Akademik Milli Dram Teatrının ətrafında olan yollarda aparılan profilaktik işlər çərçivəsində noyabrın 17-18-də sözügedən ərazidə hərəkət işlərin aparıldığı hissələr üzrə qismən məhdudlaşdırılacaq: "Belə ki, yolun bağlanması nəzərdə tutulmur". 

"AAYDA sürücülərdən sözügedən ərazidə hərəkətdə olarkən diqqətli olmaları, müvəqqəti yol nişanlarına və yol hərəkəti qaydalarına əməl etmələrini xahiş edir", - deyə məlumatda vurğulanıb.