Maliyyə Nazirliyi "Daxili informasiya portalı" yaradır

Maliyyə Nazirliyinin "Daxili informasiya portalı"nın (DİP) yaradılması üçün ehtimal olunan xərc 71,5 min manat səviyyəsində müəyyən olunub.

"Report" dövlət satınalmalarının vahid internet portalına istinadən xəbər verir ki, bu, Maliyyə Nazirliyinin elan etdiyi satınalma şərtlərində öz əksini tapıb.

Tender şərtlərinə əsasən təchizatçılar təklifləri təqdim etmək üçün 25 manat istifadə haqqı və 142,1 manat iştirak haqqı ödəməlidirlər.

İştirak haqqı təchizatçıların sayının üçdən az olmasına görə satınalmanın baş tutmadığı hallar istisna olmaqla, istifadə haqqı isə heç bir halda geri qaytarılmır.

Təkliflər dekabrın 17-si saat 16:00-a kimi təqdim edilməlidir. Zərflər həmin gün eyni saatda açılacaq.