“Google”un fəaliyyətində fasilə yaranıb

“Google”un servisləri bu gün bir sıra ölkələrdə qəfildən dayanıb.

“Report” “Down Detector”a istinadən xəbər verir ki, “Google”un axtarış sistemində, “Gmail” e-mail xidmətində, “YouTube” video hostinqində nasazlıqlar baş verib.

Əsas saytın istifadəçilərinin 54 faizi öz akauntuna daxil ola bilməyib, 45 faizinin axtarış sistemi işləməyib. “YouTube”də videokliplərin göstərməməsi barədə (60%) müraciətlər də var. “Gmail” istifadəçiləri akauntlarına daxil olmaqda (44%), xəbərlərin qəbulunda (15%), bütövlükdə sayta baxmaqda problemlərlə (38%) üzləşib.

Müxtəlif nasazlıqlarla bağlı şikayətlər ən çox ABŞ, Meksika, Braziliya, Böyük Britaniya, Fransa, Almaniya və Finlandiya ölkələrindəki istifadəçilərdən gəlir.