Çində 5G baza stansiyalarının sayı 3,92 milyona çatıb

Çində iyunun sonuna yeni nəsil 5G rabitə şəbəkələrinin baza stansiyalarının sayı təxminən 3,92 milyon ədəd təşkil edib.

“Report” “İnterfaks”a istinadən xəbər verir ki, bu barədə ölkənin Sənaye və İnformasiyalaşdırma Nazirliyi məlumat yayıb.

Beləliklə, ilin birinci yarısında onların sayı 540 min ədəd artıb. Onların ölkə üzrə mobil rabitə baza stansiyalarının ümumi sayındakı xüsusi çəkisi 33 %-ə çatıb.

Çində iyunun sonunda 927 milyon 5G mobil abunəçisi olub ki, bu da 2023-cü ilin sonundakı göstəricidən 105 milyon nəfər çoxdur. Bu, ölkənin aparıcı telekommunikasiya şirkətlərinin – “China Telecom”, “China Mobile”, “China Unicom” və “China Broadnet”in ümumi abunəçilərinin 52,4 %-ni təşkil edir.