Azərbaycanda informasiya və rabitə xidmətlərinin ümumi dəyəri 10 %-ə yaxın artıb

Bu ilin yanvar-fevral aylarında Azərbaycanda informasiya və rabitə müəssisələrinin göstərdiyi xidmətlərin dəyəri 554 milyon manat təşkil edib.

“Report” Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 9,6 % çoxdur.

Bu sahədə əldə edilmiş gəlirin 82,9 %-i qeyri-dövlət sektorunun payına düşüb, 70 %-i isə əhali sektoruna aid olub.

Təkcə fevralda isə informasiya və rabitə müəssisələrinin göstərdiyi xidmətlərin dəyəri 280,5 milyon manat olub ki, bu da 1 il əvvələ nisbətən 13,7 % çoxdur.

Xatırladaq ki, 2024-cü ildə Azərbaycanda informasiya və rabitə müəssisələrinin göstərdiyi xidmətlərin dəyəri 2023-cü illə müqayisədə 11,4 % artaraq 3 milyard 601,7 milyon manat olub.