“TURAZ Şahini – 2016” təlimlərində ətrafı tanıma uçuşları keçirilib - VİDEO

Bakı. 12 mart. REPORT.AZ/ “TURAZ Şahini – 2016” birgə taktiki-uçuş təlimləri davam edir. Təlimlərin ssenarisinə əsasən Azərbaycan və Türkiyə Hərbi Hava Qüvvələrinin pilotları ətrafı tanıma uçuşlarını icra ediblər.

Bu barədə “Report”a Azərbaycan Müdafiə nazirliyinin mətbuat xidmətindən məlumat verilib.

Uçuşlardan əvvəl təyyarəçilər üçün brifinq təşkil olunub, hava şəraiti və digər texniki məsələlər müzakirə edilib.

Sonra türkiyəli pilotlar Miq-29 qırıcı və Su-25 hücum, azərbaycanlı hərbi təyyarəçilər isə F-16 qırıcı təyyarələrində uçuşlar keçiriblər.

Təlimlər davam edir.

“TURAZ Şahini – 2016” təlimlərində ətrafı tanıma uçuşları keçirilib - VİDEO