Zaqatala sakini güllələnib, şübhəli şəxs saxlanılıb

Zaqatala rayon sakini 39 yaşlı İsa Boloyev güllələnib.

"Report" un Şimal-qərb bürosunun məlumatına görə, hadisə rayonun Yuxarı Tala kəndi ərazisində baş verib.

Belə ki, İsa Boloyev bu gün gecə saatlarında restorandan çıxarkən 28 yaşlı Musa Mustafazadə ona ov tüfəngindən atəş açıb. Nəticədə İ.Boloyev xəsarət alıb və o, xəstəxanaya yerləşdirilib.

Daxili İşlər Nazirliyinin Mətbuat Xidmətinin regional qrupundan sorğuya cavab olaraq bildirilib ki, həyata keçirilən tədbirlərlə əməli törətməkdə şübhəli bilinən Musa Mustafazadə saxlanılıb və ondan ov tüfəngi götürülüb.