Sumqayıtda karton istehsalı müəssisəsindəki yanğın söndürülüb - YENİLƏNİB

Sumqayıtda karton istehsalı müəssisəsində başlayan yanğın yayılmasına imkan verilmədən qısa müddətdə söndürülüb.

Bu barədə "Report"un Sumqayıt bürosu məlumat verir.

Yanğın nəticəsində zavodun ərazisində 1800 kv.m sahədə yığılmış karton tullantıları 450 kv.m sahədə yanıb.

Zavodun binası və ətraf ərazilər yanğından mühafizə olunub.

17:22

Sumqayıt şəhərində yanğın hadisəsi baş verib. 

"Report"un yerli bürosunun məlumatına görə, Sumqayıtda karton istehsalı müəssisəsində yanğın başlayıb.  

Əraziyə Fövqəladə Hallar Nazirliyi (FHN) Dövlət Yanğından Mühafizə Xidmətinin canlı qüvvəsi və xüsusi texnikası cəlb olunub. 

Hazırda yanğının söndürülməsi istiqamətində tədbirlər görülür. 

Hadisənin başvermə səbəbləri araşdırılır.