Sankt-Peterburqda kütləvi davada iki azərbaycanlı xəsarət alıb

Bakı. 16 noyabr. REPORT.AZ/ Sankt-Peterburqun cənub-qərbində baş vermiş kütləvi dava nəticəsində iki azərbaycanlı xəsarət alıb.

"Report" "Fontanka.ru" saytına istinadən xəbər verir ki, noyabrın 15-i gecə saatlarında Sankt-Peterburq polisinə olay şahidindən zəng gəlib. Hadisə yerinə gələn polis avtomobilində gedən iki azərbaycanlını döyən 3 peterburqlunu saxlayıb.

Məlumatda davanın avtomobildə olanlarla piyadaların münaqişəsinin yaranmasından sonra düşdüyü bildirilir. Xəsarət alan iki həmyerlimiz kəllə-beyin travması, döş qəfəsi və üz xəsarətləri ilə xəstəxanaya çatdırılıb.