Rusiya Azərbaycan FHN-ə 15 mobil konteyner göndərib

Formalaşmış ikitərəfli sıx əməkdaşlıq münasibətləri çərçivəsində Rusiya Federasiyasının Mülki Müdafiə, Fövqəladə Hallar və Təbii Fəlakətlərin Nəticələrinin Aradan Qaldırılması üzrə Nazirliyi tərəfindən Azərbaycan Respublikasının Fövqəladə Hallar Nazirliyinə (FHN) səhra şəraitində istifadə üçün nəzərdə tutulan 15 ədəd mobil konteyner göndərilib.

Bu barədə "Report"a FHN-in Mətbuat xidmətindən məlumat verilib.

Bildirilib ki, Azərbaycan FHN-in Qarabağ Regional Mərkəzinə çatdırılmış konteynerlərdən 10 ədədi yaşayış, 5 ədədi isə ofis kimi istifadə üçün nəzərdə tutulub.

Konteynerlərdə yaşayış və iş fəaliyyəti üçün müvafiq şərait yaradılıb.

Rusiya Azərbaycan FHN-ə 15 mobil konteyner göndərib